Legislature XIV • 24/01/2024
Asked by EVE BORG BONELLO
Tista’ l-Ministru tgħid kemm intefqu flus fi Project Green f'termini ta' reklamar, b'ammont totali, kif ukoll break down tal-ispejjeż: reklamar fuq il-midja soċjali, retainers, billboards, events, PR officials, videos, ritratti, reklamar; gazzetti, reklamar onlajn, konferenzi stampi, eċċ.?
Answered by MIRIAM DALLI
Wieħed mill-għanijiet ta’ Project Green huwa li tinkoraġġixxi u żżid dejjem aktar l-użu tal-ispazji miftuħa mill-pubbliku u b’hekk tinvesti wkoll f’reklamar differenti biex aktar nies isiru jafu dwar il-parks li inawgurat u li qed tamministra flimkien mal-attivitajiet li jħeġġu aktar nies biex jiffrekwentaw u jgawdu dawn l-ispazji miftuħa. Ninsab infurmata li madwar €78,700 intefqu fuq reklamar għal programmi tat-televiżjoni u gazzetti. Madwar €8,760 intefqu fuq ritratti u videos li ntużaw għar-reklamar fuq il-mezzi ta’ komunikazzjoni. Filwaqt li €16,407.50 intefqu fuq reklamar online u permezz ta’ social media, €9,000 fuq billboards, €1,500 fuq retainers u €7,507 fuq reklamar fuq ir-radju.