Legislature XIV • 21/10/2024
Asked by EVE BORG BONELLO
Tista' l-Ministru tipprovdi tagħrif dwar l-implimentazzjoni tal-proġett pilota għall-ħolqien ta' ġonna komunitarji f'lokalitajiet differenti fejn ir-residenti jkunu jistgħu jkabbru ħxejjex, frott u fjuri? Tista’ tgħid jekk dan il-proġett ġiex implimentat jew jekk inbdietx il-ħidma fuqu filwaqt li tipprovdi dettalji dwar it-tqassim tan-nefqa fis-snin 2022, 2023 u 2024?
Answered by MIRIAM DALLI
Ninforma lill-Onor. Interpellanta li Project Green se tkun qed twettaq proġett ta’ ġnien komunitarju fil-Qrendi, b’investiment li hu stmat li se jammonta għal €2 miljun. Bħalissa qed isir l-abbozz tas-sejħa għall-offerti għal dan il-proġett. Barra minn hekk, l-aġenzija se tkun qed tinkludi elementi ta’ community gardening f'ġonna oħrajn biex nintroduċu dan il-kunċett fil-qalba tal-irħula, fil-fatt dan se narawh fi proġetti li diġà qed ikunu ppjanati għal-lokalitajiet ta’ San Ġwann u ż-Żejtun. Fil-frattemp Ambjent Malta se tkun qed tiżviluppa ġnien tal-komunità bħala parti mill-proġett ta’ Wied Inċita, f’Ħ’Attard, li għalih l-Awtorità tal-Ippjanar għadha kemm tat l-approvazzjoni tagħha biex madwar 20,000 metru kwadru (20 tumoli) ta’ art tiġi riġenerata bħala spazju pubbliku. Dan il-proġett maqsum f’żewġ fażijiet hu stmat li se jsir b’investiment ta’ €750,000.