Legislature XIV • 21/10/2024
Asked by EVE BORG BONELLO
Tista' l-Ministru tipprovdi tagħrif dwar il-progress tal-istudji u t-tħejjijiet tekniċi marbuta mal-użu tal-idroġenu bħala sors ta' enerġija nadifa f'pajjiżna? Tista’ tgħid kif dan se jkun qed jgħin biex jintlaħqu l-miri għad-dikarbonizzazzjoni sal-2050? Tista’ wkoll tipprovdi dettalji dwar l-implimentazzjoni ta' dan il-proġett u t-tqassim tan-nefqa għas-snin 2022, 2023 u 2024?
Answered by MIRIAM DALLI
Ninforma lill-Onor. Interpellant li, fl-2023, tlestew l-istudji biex id-disinn tal-proġett tal-pipeline tal-gass bejn Malta u Sqallija ġie rivedut u b’hekk dan ikun jista’ jintuża wkoll għall-idroġenu bħala hydrogen ready pipeline. Dawn l-istudji ma kienux biss meħtieġa biex jiġi modifikat id-disinn tal-pipeline, imma wkoll biex, wara li sar l-assessjar meħtieġ, il-proġett żamm postu bħala Proġett ta’ Interess Komuni fil-lista tal-2023. Din il-lista ġiet approvata mill-Parlament Ewropew aktar kmieni din is-sena. In-nefqa fuq dawn l-istudji kienet tammonta għal madwar €1 miljun. Ninsab infurmata wkoll li l-Aġenzija għall-Enerġija u l-Ilma (EWA) bdiet il-proċess tat-tendering biex takkwista s-servizzi ta’ konsulenti biex jitħejja studju estensiv fost l-industrija u s-settur tas-servizzi biex jiġu identifikati l-aħjar għażliet għad-dikarbonizzazzjoni ta’ dawn is-setturi. Fost dawn l-għażliet għandu jiġi kunsidrat ukoll l-użu tal-idroġenu. Huwa stmat li dan l-istudju se jiswa madwar €217,000. Dwar il-potenzjal li jintuża l-idroġenu fil-qasam tat-trasport nitlob lill-Onor. Interpellanta biex tirreferi lill-Ministeru konċernat.