Ħolqien ta’ spazji miftuħa (ORAL) - Final

Question

Tista’ l-Ministru twieġeb il-mistoqsija parlamentari 22168 u tgħid x’passi ttieħdu biex lokalitajiet urbani jiġu trasformati permezz tal-ħolqien ta’ spazji miftuħa, pocket parks, green walls, roof gardens u żoni pedonali permanenti, inkluż parkeġġi pubbliċi taħt l-art? Tista' tipprovdi dettalji dwar l-implimentazzjoni ta’ dawn il-miżuri, fejn ġew implementati u n-nefqa fis-snin 2022, 2023 u 2024 tal-proġetti nfushom kif ukoll in-nefqa fuq PR u marketing, maqsuma sena b’sena?

MIRIAM DALLI · Accepted Answer

Filwaqt li nirrerferi lill-Onor. Interpellanta għat-tweġiba li tajtha għall-mistoqsija parlamentari 22217, ninfurmaha li sal-aħħar tal-2024 tlestew ħames proġetti oħra li huma Ġnien l-Indipendenza f’Birżebbuġa, il-Hospice Landscape Garden f’Santa Venera, Ġnien Spencer fil-Marsa, Wied Inċita f’Ħ’Attard u r-riġenerazzjoni tal-Ġonna ta’ Villa Portelli fil-Kalkara. Għaldaqstant, l-entitajiet li jaqgħu taħt il-Ministeru għall-Ambjent, l-Enerġija u l-Indafa Pubblika - Project Green, Ambjent Malta, Greenserv, GHRC u l-Awtorita għall-Ambjent u r-Riżorsi (ERA) – mill-bidu ta’ din il-leġiżlatura sa tmiem is-sena li għaddiet wettqu bejniethom 35 proġett fi 23 lokalitá, li flimkien iġibu medda art ta’150,000 metru kwadru.

Ħolqien ta’ spazji miftuħa (ORAL) - Final

Question Details

Parliamentary Question

Official Answer