Legislature XIV • 03/02/2025
Asked by EVE BORG BONELLO
Tista’ l-Ministru tagħti dettalji dwar l-istatus tar-rapport u x’konklużjonijiet jew riżultati ġew miksuba fil-każ tal-kontravenzjoni li d-dettalji dwarha qed jingħataw separatament, quddiem l-Awtorità għall-Ambjent u r-Riżorsi (ERA)?
Answered by MIRIAM DALLI
Ninsab infurmata li fir-rigward tal-kontravenzjoni inkwistjoni, ir-rapport daħal għand l-Awtorità għall-Ambjent u r-Riżorsi (ERA) fit-30 ta’Awwissu 2024, ġie investigat u nġabret l-informazzjoni u l-provi neċessarji biex inħarget Notifika tal-Intenzjoni li tinħareġ Multa Aministrattiva rigward ksur tar-Regolamenti Dwar l-Abbandun, ir-Rimi u t-Tneħħija ta’ Skart fit-Toroq u f’Postijiet jew Żoni Pubbliċi (L.S. 549.40) fit-13 ta’ Settembru 2024, liema Notifika ġiet effettiva fit-2 ta’ Diċembru 2024 wara li ma ntlaqgħetx il-petizzjoni fuq il-multa.