Legislature XIV • 21/10/2025
Asked by EVE BORG BONELLO
Tista’ l-Ministru twieġeb il-mistoqsija parlamentari 31193 u tagħti ċifra ta’ kemm-il multa nħarġet għall-ħruġ inkorrett ta’ skart jew rimi ta’ skart illegali (littering)? Tista’ tgħid ukoll kemm minnhom ġew imħallsa?
Answered by MIRIAM DALLI
Ninforma lill-Onor. Interpellanta li qed inpoġġi fuq il-Mejda tal-Kamra tabella li tindika n-numru ta’ nies li nqabdu mill-uffiċjali tal-ERA joħorġu skart mhux skont l-iskeda bi ksur tar-Regolamenti dwar l-Abbandun, ir-Rimi u t-Tneħħija ta’ Skart fit-Toroq u f’Postijiet jew Żoni Pubbliċi (LS549.40) li fiha hemm ukoll kemm multi ġew imħallsa. Il-perjodu jkopri mis-sena 2018 sat-13 ta’ Ottubru 2025. Dawn il-figuri jirrigwardaw littering biss u mhux jinkludu ksur tar-Regolament (LS549.40) fuq rimi illegali ta’ skart fuq skala ikbar. Tajjeb infakkar li r-Regolament (LS549.40) huwa infurzat kemm mill-ERA, kif ukoll mil-LESA u mill-Pulizija.