Kaos fl-iskart: il-Labour jagħti raġun lill-Partit Nazzjonalista dwar kif għandu jinġabar l-iskart
Il-PN ilu s-snin jgħid li hemm bżonn li l-iskart ma jkollux immaniġġjar ta’ ‘one-size-fits-all’
Kaos fl-iskart: il-Labour jagħti raġun lill-Partit Nazzjonalista dwar kif għandu jinġabar l-iskart Il-PN ilu s-snin jgħid li hemm bżonn li l-iskart ma jkollux immaniġġjar ta’ ‘one-size-fits-all’
Minbarra t-traffiku, pajjiżna għandu problema oħra kbira li qed tifni tista’ tgħid lil kull lokalità – dik tal-iskart.
Diversi kunsilli lokali qed jitħabtu mhux ftit biex jippruvaw iżommu l-lokalitajiet tagħhom nodfa. Imma l-mod kif qed isir il-ġbir tal-iskart bl-istess sistema u frekwenza f’kull belt jew raħal ma jagħmilx sens.
Dan qalu l-Partit Nazzjonalista lura fl-2017 meta l-popolazzjoni tagħna kienet tgħodd l-475,000. Illum li din żdiedet b’100,000, is-sitwazzjoni hi ferm agħar.
Meta fl-2017, il-Gvern biddel il-liġi tal-iskart, il-Partit Nazzjonalista talab li din tiġi emendata u kien wissa li l-liġi kif ippreżentaha l-Gvern kienet se tpoġġi piżijiet enormi fuq numru ta’ kunsilli lokali. Il-PN kien argumenta li sistema ta’ ‘one-size-fits-all’ ma tista’ qatt taħdem meta f’pajjiżna għandna realtajiet differenti ħafna minn lokalità għal oħra.
Pereżempju, ir-realtà ta’ rħula żgħar ma tista’ qatt tkun imqabbla ma’ dik ta’ Tas-Sliema jew San Ġiljan. Sistema li taħdem għal raħal ma taħdimx għall-ieħor.
Dan issa kkonfermatu wkoll il-Membru Parlamentari Laburista Katya De Giovanni li qalet li l-problema tal-iskart laħqet livelli inaċċettabbli u li lokalitajiet bħal Ta’ Sliema għandu jkollhom ġbir darbtejn kuljum minflok darba biss.
Bi kliemha, De Giovanni kkonfermat il-kriżi dejjem akbar li teżisti fl-immaniġġjar tal-iskart f’pajjiżna. U qablet ma’ dak li ilu jgħid il-Partit Nazzjonalista dwar dan il-qasam.
It-toroq tagħna qed ikunu ħafna drabi miżgħuda b’munzelli sħaħ ta’ boroż ta’ kull tip ta’ skart f’kull ħin tal-ġurnata. In-nuqqas ta’ dixxiplina u ta’ infurzar qed ifissru li l-Maltin qed jispiċċaw bit-toroq tal-irħula tagħhom qishom miżbla u xi kunsilli qed jirċievu wkoll rapporti ta’ firien kbar iħufu fit-toroq residenzjali.
Il-Gvern Laburista, li qatt ma emmen fil-kunsilli, baqa’ sakemm neżża’ tista’ tgħid kull saħħa li dawn kellhom – kemm fejn jidħlu finanzi, kif ukoll fejn jidħol infurzar.
Issa jrid ikun il-Gvern stess li jsolvi l-problemi li kabbar hu.
Il-Partit Nazzjonalista jinsisti li tiġi riveduta b’mod immedjat is-sistema tal-ġbir tal-iskart biex din tkun made-to-measure skont il-bżonnijiet tal-lokalità. Il-ġranet u l-ħinijiet tal-iskart ma jistgħux jibqgħu l-istess għal kullimkien, u fejn hu possibbli għandu jkun ikkunsidrat ukoll li l-ġbir tal-iskart għandu jsir tard filgħaxija jew billejl. Dawn huma ftit mit-tibdiliet li jistgħu jgħinu biex itaffu l-problema li ħoloq il-Gvern bin-nuqqas ta’ ppjanar tiegħu.
Il-Partit Nazzjonalista mhux jifhem x’qed jistenna l-Gvern biex jaqbad il-barri minn qrunu u jsib soluzzjoni li taħdem għall-iskart f’pajjiżna. Il-PN jifhem u jagħraf ir-rwol importanti tiegħu li jkun proattiv, u joffri soluzzjonijiet kreattivi f’dan is-settur.
Eve Borg Bonello Shadow Minister għat-Tibdil fil-Klima u l-Indafa Pubblika
11.07.2025
___________________________________
Chaos in waste collection: Labour admits the Partit Nazzjonalista was right on how waste collection should be carried out The PN has been saying for years that waste management should not follow a ‘one-size-fits-all’ approach
Apart from traffic, our country has another major problem that is affecting practically every locality – that of waste.
Several local councils are struggling to keep their localities clean. But the way waste is being collected using the same system and frequency in every town or village makes no sense.
The Partit Nazzjonalista had said this back in 2017 when our population stood at 475,000. Today, with an increase of 100,000, the situation is much worse.
When in 2017 the Government changed the waste law, the Partit Nazzjonalista requested that it be amended and warned that the law, as presented by the Government, would place enormous burdens on a number of local councils. The PN had argued that a ‘one-size-fits-all’ system could never work when in our country we have very different realities from one locality to another.
For example, the reality of small villages can never be compared to that of Sliema or St Julian’s. A system that works for one village will not work for another.
This has now also been confirmed by Labour Member of Parliament Katya De Giovanni, who said that the waste problem has reached unacceptable levels and that localities like Sliema should have waste collection twice a day instead of just once.
Through her words, De Giovanni confirmed the growing crisis that exists in waste management in our country. And she agreed with what the Partit Nazzjonalista has been saying about this sector.
Our streets are often full of piles of bags of all types of waste at all hours of the day. The lack of discipline and enforcement means that the Maltese are ending up with village streets that resemble dumps, and some councils are even receiving reports of large rats roaming through residential streets.
The Labour Government, which never believed in the councils, persistently stripped away almost all their powers – both in terms of finances and in terms of enforcement.
Now it must be Government itself that solves the problems it created.
The Partit Nazzjonalista insists that the waste collection system be immediately revised so that it is made-to-measure according to the needs of each locality. The days and times of waste collection cannot remain the same everywhere, and where possible, one should also consider that waste collection is carried out late in the evening or at night. These are just some of the changes that could help ease the problem created by the Government due to its lack of planning.
The Partit Nazzjonalista cannot understand what the Government is waiting for to take the bull by the horns and find a solution that works for waste management in our country. The PN understands and acknowledges its important role in being proactive and offering creative solutions in this sector.
Eve Borg Bonello Shadow Minister for Climate Change and Public Cleanliness
11.07.2025